Patujolo Hata Sian Hami

Dihita nasada suku, ria do nian hita diportibion, songoni tong nang di jaringan on manang istilah na umum na nigoaran internet.
Ra molo nibilang-bilangan, godang nai dope donganta naso pola attus di pangartihonon, hira-hira boha do, songon dia do internet on!, alai marimbar do i nuaeng dihamu naung manjaha postingan on, naung umbotosa ma antong , ima alana boi sahat hamu nuaeng dison. ai molo so mangantusi sama sekali, sian dia dalanna boi sahat dison! dang i akka dongan!
Pendek ni cerita, ia on topik naperdana do di blog on, dia ma iba na baru mangalakka do pe tu namamukka blog si songon on. dihita sasude, amang, inang, lae, ito nang ro di sasudena, parjolo ma iba marsattabi, molo tung adong pe nahurang lobi di nasinurathon on, pinangido ma as mangantusi hamuna di hami. sengaja do blog on husus marbahasa batak, alana tujuan namai mambahen blog on, husus do tu halak batak.

Tujuan napaduahon, asa boi ma nian blog on, na gabe sada dalan/media lao tu hita na marhaporluan, nang dohot nalulu - lulu, dinalaho mangalului sada sada haporluan dibagasan internet on. bah berusaha do hami mambahen nadenggan, jala lengkap asa unang pasusah hu akka dongan pamakke media internet on di nalaho mangalului di naporluna marsad sada.

Hami dison na mardongan ima Jawarman Sitorus, Indra Siahaan, Julianti Malau, Parulian Siahaan dohot ias ni roha naeng marbagi dohot mangurupi dongan halak batak.
Diama nian blog on! so olat ni dia dope, alai nian naeng do denggan jala gabe botul-botul mangurupi. Sudenai boi do gabe, molo hita sesama halak batak saling marssiurupan, hami ma namanurathon, naeng ma nian dongan naung manjahasa mabahen komentar, saran nang dohot akka ide.
On ma hata patujolo huhut parsattabian nami sian parjabu, sai Tuhanta ma tongtong namangiring-iring, huhut namangaramoti.

Sititik ma sigoppa, golang-golang pangarahutna, Denggan so alat ni dia pe nahami patupa, Paattus ma dirohamuna.